Desde o pasado 15 de xullo, aqueles visitantes que pernocten en establecementos hosteleiros de Santiago de Compostela un mínimo de 3 noites, terán como premio a participación gratuíta nas visitas guiadas da Asociación Profesional de Guías de Turismo.

Este agasallo é froito dun convenio entre a nosa asociación e o patronato Turismo de Santiago. Estas visitas guiadas de Santiago saen regularmente da praza de Praterías e o prezo habitual de venta ao público é de 12,00 €. Para os turistas premiados, este coste é asumido en parte por Turismo de Santiago e en parte polos guías da Asociación.

Máis detalles desta noticia en Hosteltur e El Correo Gallego.