Visitas Guiadas A Coruña

Tarifa: 9€ (menores de 14 gratis)

Idioma: Castelán (outros idiomas contactar info@guiasdegalicia.org ou no teléfono 981 576 698)

Como ven sendo habitual, os nosos paraugas amarelos volven á Praza de María Pita para amosar, tanto aos de aquí como a visitantes, as marabillas e curiosidades do noso casco histórico. Este ano 2020 como novidade, as visitas sairán diariamente durante os meses de xullo e agosto. En setembro, sábados e domingos.

O percorrido comezará ás 11:30 h na estatua da heroína da cidade, María Pita. Alí, quen estea interesado atopará un/ha dos nosos guías co seu paraugas amarelo que lles fará descubrir os lugares máis representativos da cidade vella (como a ceñecemos os coruñeses): igrexas de Santiago, Santa María e Santo Domingo, o Xardín de San Carlos, a Praza de Azcárraga, a Praza das Bárbaras… Falaremos de historia, de lendas, da vida nunha cidade como A Coruña.

Pero non podemos esquecer o resto da cidade. Por suposto, o noso emblema, a Torre de Hércules, o faro máis antigo do mundo en funcionamiento. Contamos, ademais, cunha grande oferta museística desde propostas máis tradicionais como o Arqueolóxico no Castelo de San Antón, aos interactivos, tanto para nenos como adultos. Parques e xardíns que contan a historia de galegos ilustres ou o pasado militar da cidade… Para aquelas personas que procuren algo máis privado ou personalizado, ofrecemos diferentes alternativas, ben sexan de medio día ou día completo, para poder combinalo con outros lugares da provincia.

Somos guías profesionais habilitados, que ademais nos formamos en protocolos de prevención de contaxios da Covid-19, para facer da visita unha experiencia aínda máis segura.

Sexa cual sexa a túa idea, non dubides en poñerte en contacto con nós para che poder axudar a convertela en realidade.

Na praza estará o/a guía que identificarán polo paraugas amarelo.

DIRECCIÓN

Dársena de Xoán XXIII, s/n
15704 Santiago de Compostela
A Coruña
Tel. +34 981 576 698
       +34 606 985 185

info@guiasdegalicia.org

SÍGUENOS