Día Internacional do Guía de Turismo 2025: grazas por participardes

Mar 16, 2025 / NoticiasGL / 0 Comment

Grazas por celebrardes con nós o Día Internacional do Guía de Turismo 2025

Sentímonos moi arroupados o pasado venres 21 de febreiro polas persoas que nos acompañaron nas visitas benéficas que percorreron varios puntos de Galicia: Santiago de Compostela, Vigo, Pontevedra, A Coruña, Lugo, Ferrol, Ourense e Cambados. A federación mundial de guías WFTGA elixira para esta efeméride o tema: «guías de turismo, embaixadores para a paz«, porén os donativos achegados polos participantes nas nosas visitas guiadas foron entregados á ONG Médicos sen Fronteiras, presente na meirande parte das zonas en conflito do planeta.

Os guías oficiais de España, agrupados na confederación CEFAPIT, aproveitamos para lembrar a relevancia da nosa profesión para que o turismo sexa unha actividade sostible que enriquece os territorios e as súas xentes.

Os guías de turismo somos fundamentais na implementación de prácticas sostibles dentro do sector turístico. A nosa interacción directa cos visitantes permítenos:

Educar e sensibilizar: informamos os turistas sobre a importancia de conservar medio natural e respectar as culturas locais: poñemos en valor a riqueza que representan, fomentando comportamentos responsables.
Promover economías locais: incentivamos o consumo de produtos e servizos locais como parte das experiencias que ofrecemos, apoiando a pequeñas empresas e artesán, o que contribúe ao desenvolvemento económico das comunidades anfitrionas.
Conservar o patrimonio: guiamos os visitantes de maneira a reducir ao mínimo o impacto causado en sitios históricos e naturais, asegurando a sua preservación para futuras xeracións.