Visitas Guiadas Santiago de Compostela

A Asociación Profesional de Guías de Turismo de Galicia colabora cos guías asociados que realizan desde a Praza de Praterías visitas de 2 horas de duración en castelán, onde coñecerás os exteriores do centro histórico da cidade, ademais do interior do Parador dos Reis Católicos.

Esperámosvos todos os días ás 12:00 e ata o 15 de outubro ás 18:00 horas.

Este ano, baixo reserva, realizaremos a visita no turno das 18h ata finais de outubro. En concreto os seguintes días xa temos reserva:

1. Xoves 18.
2. Martes 23.
3. Domingo 28.

Este ano, como novidade, tamén en Santiago, teremos visitas en inglés durante todo o ano, serán os sábados ás 15:30h. E nos meses de xuño ata setembro, tamén de xoves a domingo  ás 15:30 h .

O punto de encontro será a Praza de Praterías e o seu percorrido é: Fachadas e Prazas da Catedral: Praterías, Obradoiro, Quintana e Inmaculada, Casa do Deán, Colexio de Fonseca (Universidade), Hostal dos Reis Católicos (Parador), Fachadas do Mosteiro de San Martín Pinario, Casa da Troia e as rúas do Franco, Raiña e Vilar. En todas as rúas poderán gozar dos monumentos máis característicos e representativos da cidade.

Para máis información poden chamarnos ó número de teléfono: +34 981 576 698 ou +34 606 985 185.

Se queren gozar da visita achéguense 10 minutos antes da hora marcada á Praza de Praterías, non é necesario facer reserva. Alí estará o/a guía co paraugas amarelo cos logos da Asociación GT.