Hai un tempo, en pleno confinamento pola COVID-19, convidamos aos nenos e nenas de Galicia a participar nun concurso de debuxo no que nos amosasen o seu monumento favorito. Temos no país tantos lugares dos que estarmos fachendosos! Moitas grazas a todos os que participaron enviando as súas creacións, e aos que votaron para seleccionar os gañadores!

Velaquí os rostros felices dos agraciados ao recibiren os seus agasallos. Agardamos vervos calquera día nalgunha das nosas visitas, cos nosos paraugas amarelos!.Grazas tamén á Consellería de Cultura e Turismo por facilitarnos os medios.