Este venres 22 de maio ás 11:00h terá lugar a primeira dunha serie de actividades formativas para os Guías de Turismo, Os Obradoiros do Guía.

Estas actividades, organizadas por APIT Galicia en colaboración coa Consellería de Cultura e Turismo, están dirixidas aos Guías Profesionais de Turismo de Galicia co obxectivo de comunicar os cambios no sector turístico POSTCOVID19 e mellorar a formación dos mesmos.

Nesta primeira sesión comunicarase aos asistentes as liñas de traballo levadas a cabo por APIT GALICIA coa Axencia Turismo de Galicia e co ICTE en materia de protocolos de prevención e actuación en relación á “nova normalidade”.

Formarán parte da mesa de comunicación outros actores relacionados co entorno dos Guías de Turismo como son as axencias de viaxes, os aloxamentos, os museos e as oficinas de turismo.

Esta actividade está dirixida exclusivamente aos Guías Oficiais de Turismo de Galicia

O número de prazas é limitado

  • É obrigatorio escribir o nº de Habilitación de Guía no campo CARGO
  • É obrigatorio seguir as instrucións que se desenvolven nas fotografías seguintes

INSTRUCIÓNS PREVIAS AO INICIO DA REUNIÓN:

Os Guías de Turismo que desexen inscribirse deben cubrir o formulario que se atopa no enlace baixo estas liñas.

ENLACE: https://bit.ly/2AN0Wnx